Atorfiit

Greenland Business inuutissarsiornermik siunnersortissarsiorpoq

Greenland Business inuutissarsiornermik siunnersortissarsiorpoq, Kalaallit Nunaat tamakkerlugu aallarnisaanerup nutaaliornerullu ineriartorteqqinnissaanut suliaqarnissaminut sulerusuttumik.

Suliffeqarfiit aallarnisaasullu isummersorlugillu ikiussavatit ilitsersorlugillu Namminersorlutik Oqartussat siuarsaanermut aningaasaliissutaasa qinnuteqaatiginissaanut, aallarnisaasunut suliffeqarfinnut inuiaqatigiinnullu iluaqutaasussamik.

Ujartorparput inuk misilittagalik aammalu inuk pitsaasunik tulluartunillu inuttut pissusilik.

Inuutissarsionermik siunnersorti Greenland Businessimut

Greenland Business inuutissarsiornermik siunnersortissarsiorpoq, nunarput tamakkerlugu allarnisaanerup nutaaliornerullu ineriartortinnissaanut suleqataarusuttumik.

Inuutissarsiornermik siunnersortitut suleqatigiit ikittunnguit aallarnisaasuunerup aammalu nutaaliornerup siuarsarnissaanut sulisut suleqatigilissavatit, pingaartumik aallarnisaasut aningaasatigut taperserneqartarnerisigut aammali pitsaasumik ilitsersuinikkut ineriartortitsinikkullu suliatigut assigiinngitsutigut.

Greenland Businessip qitiusumik suliassaraa Namminersorlutik Oqartussat inuutissarsiornerup siuarsarnissaanut aningaasaliissutaasa aqunneqarneri. Taassuma saniatigut nunarput tamaakkerlugu suleqatigiisitsineq, paasissutissiinerit assigisaasalu ingerlanneqartarneri nunatta avataani aamma suleqatigiissitani ilaasinnaasarpugut.

Suliffeqarfittut suleqatigiit akornanni ataqatigiinneq pingaartipparput. Taamaalilluta tunuliaqutsit assigiinngitsut akornanni suleqatigiinneq pitsaasoq ilaatigut ulluinnarni ulapaarfiusaraluartuni angusaratsigu.

Greenland Businessimi sulisut sisamaapput. Greenland Holding aamma Greenland Venture Teletårnemi allaffeqatigaagut, katilluta arfineq pingasuulluta.

Suliassaqarfiit aamma suliassat

Suliassatta naammassiniarnerani suleqatigiilluarneq pingaartitaraarput, taamaattumik kisimiivillutit suliassamik naammassisaqarnissat qaqutigoortorujussuussaaq. Ikittunnguugatta suliassatit assigiinngitsorujussuussapput ikiuunnissarnullu piareersimasartussaallutit.

Suliassatit aalajangersimasut makkuupput:
· Aallarnisaasunit qinnuteqaatit suliarineri
· Workshopit paasisitsiniaanerillu aaqqissuunneri ingerlannerilu
· Aallarnisaasunik oqaloqateqarnikkut ilitsersuineq
· Inuutissarsiornermik siuarsaasut allat suleqatigisartakkallu naapittarneri

Periarfissaqarluarputit atorfiup ineriartortinnissaanut sunniuteqaqataassallutit, soqutigisatit piginnaanitillu apeqqutaallutik aamma makkuninnga suliaqarsinnaavutit:
· Greenland Businessip nittarsaanneqarnera
· Suliniutit assigiinngitsut ataqatiissarneri
· Avammut attaveqarneq (quppersagaq assigisaalu)
· Ineriartortitsinermi pilersaarutit
· Nunap immikkoortortaanik ukkassineq

Kalaallit Nunaata iluaniunerusoq angalasarnissat naatsoruutigissavat.

Ujartorparput

Atorfik ilisimatusarfimmi ilinniarsimanermik piumasaqaateqanngilaq. Inuutissarsiornermi aningaasaqarnermut ilinniarsimaneq iluaqutaassaaq, kisiannili aallarnisaasutut misilittakkat iliniakaamit pingaartinneqarnerupput.

Marluinnik oqaaseqartuussaatit kalaallisut qallunaatullu; tuluttut oqaatsit iluaqutaasinnaapput.

Pisortat aallarnisaasullu akornanni sulisussaagavit inunnik sullissineq allaffissornikkullu piumasaqaatit paasisimasaqarfigilluassavatit.

Avammut saammisuussaatit sullisserusussuseqarlutillu, ineriartortitserusussuseqassaatit isumassarsiullaqqittuullutit, naammasinnikkusussuseqarlutit ataqatigiissaarillaqqissuseqarlutillu.

Persuarsiorpallaanngitsumi sulineq nuannarissavat, ulluinnarni nuannersumik suleqatigiiffiusumi aammalu assigiinngissutsit eqaatsumik atorsinnaasumillu aaqqiissutigineqartarfianni.

Atorfinitsinneqarneq

Greenland Business A/S-imi atorfinissaatit. Pisortaanermut pisortap, Greenland Holdingimi Greenland Venturemilu aamma pisortaasumut, ataani inissisimassallutit. Ulluinnarnili pisortap tulliata ulluinnarni Greenland Businessimi aqutsisuusup ataani inissisimassaatit.

Neqeroorutigaagut
Akissarsiat orniginartut:

· akissarsiat pitsaasut, isumaqatigiinninniarnikkut pisinnaasat malillugit inissinneqartussat
· Soraarnerussutisiassat
· Codan Care

Ukiumoortumik sulinngiffeqarnermi angalasinnaaneq

Atorfik inissamik neqerooruteqanngilaq.

Qinnuteqaat apeqqutillu

Apeqqutissaqaruit Christian Wennecke oqarasuaatikkut (+299) 34 28 95 imaluunniit christian@greenlandbusiness.gl attavigiuk.

Qinnuteqaat pisortaanermut Karsten Høy karsten@greenlandholding.gl nassiuguk.

Qinnuteqarfissaq kingulleq tassaavoq 22. september, kisianni qinnuteqaatit ataavartumik nalilersuiffigissavagut, taamaattumik suleqatiginissarput soqutigigukku utaqqinak saaffiginnigit.

EXPORT
Atuaruk
PROJEKTER
Atuaruk
VENTURE
Atuaruk
INNOVATION
Atuaruk
HOLDING
Atuaruk
GREENLAND BUSINESS · A/S Boks 608 · 3900 Nuuk · Grønland · Tlf: +299 342880 · Email: Info@greenlandbusiness.gl · GER: 12 65 24 61
;